Naia Rodríguez logra a prata no Campionato de España

A cambadesa de 10 anos Naia Rodríguez Fernández acaba de obter a prata no Campionato de España de Ximnasia Acrobática, celebrado do 12 ó 14 de maio en Guadalajara, na categoría de Parellas Junior Base.

Tras lograr o ouro no Galego de Marín o mes pasado, Naia e a súa parella, a estradense Rosa Ribadulla, convertíronse a pasada fin de semana en subcampionas de España. Ambas adestran no Club Ximnasia Pontevedra.