O artista Wladimir Dragosan apadriña a II Sustansia Shopping Night, que acollerá o I Balcón Music Fest

Todo en marcha para  a II Sustansia Shopping Night no Grove. Ademais das actividades anunciadas, engadimos a celebración do I Balcón Music Fest, un micro festival no que participaran catro artistas mecos, Isabel Barria, Dani Cornes, Laura Villanueva e Lino Prieto. Cada un deles actuará desde un balcón diferente ao longo da rúa Castelao, ás 21.15 h, 22.00 h, 22.30 h, e 23.00 h respectivamente.

Por outra banda á inauguración prevista para as 21.00 h no Cruce do Garda, nun acto dirixido por Pacucho Álvarez como mestre de cerimonias no que participaran a concelleira de Comercio e Mercados, Marta Domínguez; o alcalde do Grove, Miguel Ángel Pérez e con Wladimir Dragosan, artista pontevedrés que fará de padriño da Shopping e que chegará e percorrerá a rúa Castelao en sidecar. Lerá dous poemas e estará a disposición de quen queira facerse unha fotografía con el no photocall.