Desde o pasado dez de novembro sucedíanse diversas actuacións, no transcurso das cais os funcionarios de Vixilancia Aduaneira da Axencia Tributaria de Galicia detiveron a 7 colaboradores da organización responsable daquel alixo, mentres a Policía Nacional arrestaba outras 3 persoas vinculadas ás naves utilizadas pola trama, que constituía a súa infraestructura.Nunha das naves foi detectada unha planadora das mesmas dimensións e características que a queimada na praia da Lanzada.
Ademais, fontes da investigación desvelaron que a aprehensión da primeira lancha na Lanzada foi consecuencia dunha doble liña de actuación: das pesquisas que a Policía Nacional centraba nas actividades ilicítas desenvolvidas polo grupo do histórico narcotraficante R.B.P. alias “Mulo”, e polo seguimento da Axencia Tributaria da evolución do grupo liderado polo tamén histórico F.P.R., alias “Chisco”.
Estas investigacións paralelas remataron por cruzarse e desenvolverse de maneira conxunta, dentro da operación Pony/Musa, baixo a dirección da Fiscalía Antidroga da Audiencia Provincial de Pontevedra e do Xulgado de Primeira Instancia e Instrucción n° 3 de Cambados.
Precisamente, o primeiro froito significativo das pesquisas conxuntas da Pony/Musa producíase na noite do 14 ao 15 de agosto, cando se conseguía frustrar, co apoio aéreo e marítimo de Vixilancia Aduaneira, a entrada da planadora con droga e podíanse recuperar 126 fardos con aproximadamente uns 3.800 kilos de cocaína.
Os tripulantes da lancha chegaron a lanzar parte do seu contido ao mar e incendiárona ao varar na Lanzada, pero as pesquisas posteriores permitiron as detencións dos responsables da trama, entre eles Mulo e Chisco, e a realización de rexistros, nun dos cais foi detectada a outra planadora, moi semellante á primeira.
