Segundo o PP, o correcto sería que o executivo autonómico delegue esas competencias de contratación noutro conselleiro mentres a Xuztiza non se pronuncie.

O auto xudicial investiga a comisión de presuntos delitos de “prevaricación, maquinación para alterar o prezo das cousas e negociacións prohibidas aos funcionarios que é precio investigar”, despois de que o PPdeG presentase unha querela sobre a adxudicación presuntamente irregular das obras da Autovía da Barbanza, que puideron ter custado un sobreprezo de 30 millóns de euros.

O PPdeG considera que neste escenario a conselleiro non pode seguir a se responsabilizar da adxudicación de obra pública nin ter baixo a súa responsabilidade a varios altos cargos imputados no xulgado de Santiago que investiga os feitos.

Ademais, a formación lembrou os argumentos que a levaron a presentar a querela no seu día: por unha banda, asegura que a Consellería de Política Territorial mantivo a súa negativa a facilitar a documentación, a pesar de que os deputados do PP a solicitaron en diversas ocasións e chegaron a presentarse nas oficinas da Xunta.

Por outro lado, o PP repróchalles tanto a PSOE como a BNG que se negasen a crear unha comisión de investigación no Parlamento de Galicia, que permitise aclarar as irregularidades.

A Xunta e o PSOE, pola súa parte, confían en que finalmente a Xustiz demostrará que non houbo irregularidades no proceso e desmontará estas acusacións.