Comerciantes locais denuncian que se “vetou” a súa presencia na Feira Mariñeira
REDACCIÓN > A POBRA
A Feira Medieval Mariñeira, que se celebra en A Pobra do Caramiñal dende hoxe e ata o domingo, comeza rodeada de polémica, xa que a Asociación do Pequeno Comercio “O Deán” mostrouse moi crítico co Concello polo xeito no que organizou este evento. Denuncian que algúns dos membros de “O Deán” solicitaron participar na feira xa que os seus produtos “encaixan coa temática”, pero a súa solicitude “foi denegada por tratarse dun evento pechado”, asegura este colectivo, que engade que “a empresa organizadora encárgase de todo, ata de traer os postos que formarán parte da feira”.Por outra banda consideran que non é apropiado que ninguén lles informase de que se ía a realizar esta celebración: “non nos explicaron en que consistía, nin quen podía participar ou non, e tivemos que enterarnos a través da cartelería que a anuncia ou pola prensa”, sosteñen os membros da asociaciación de comerciantes “O Deán”. Indican que esta situación prodúcese porque “no noso concello carécese dunha política comercial axeitada á nosa realidade, na que todos poidamos dar a nosa opinión ou aportar as nosas ideas á hora de levar a cabo accións coma esta feira”.
|
