Este colectivo ecoloxista apunta que a zona de Corrubedo é un dos “puntos negros” do litoral galego, especialmente ante a ameaza de tres proxectos de piscifactorías, de aí que elixisen á cidade riveirensepara desenrolar estes actos de protesta e denuncia.A Confederación Ecoloxistas en Acción, a organización galega “Verdegaia” e mailos colectivos locais “Plataforma Medioambiental de Corrubedo” e “Altofalante” presentarán no porto deportivo de Riveira o Informe Bandeiras Negras correspondente ao ano 2008, no que analizan a saúde da costa do estado español e alertan sobre as zonas que sufren unha maior contaminación e riscos ambientais. En dito informe, ademais, faise expecial fincapé nos factores económicos e urbanísticos que están a desencadear “unha crise ambiental de fondo calado social”, apuntan estas organizacións.
Presentación > O informe será presentado por Jorge Saéz, voceiro da área Mariña de Ecologistas en Acción; pola asociación “Verdegaia”; por Manuel Santos, presidente da “Plataforma Medioambiental de Corrubedo”; e por Luís Teira, de “Altofalante”.
Durante os dous días nos que o veleiro permaneza atracado en Riveira ofrecerase ó público que se achegue ata o porto deportivo do municipio a posibilidade de que coñezan esta embarcación por dentro, ofrecerase información á cidadanía para concienciala sobre o problema que supón para o medio ambiente a contaminación mariña y tamén se levarán a cabo actividades dirixidas ao público infantil, para que coñezan tamén as ameazas que sofre a costa galega.
