Emgrobes e a Estación Náutica asinan un convenio para a promoción turística conxunta
REDACCIÓN > O GROVE
 |
| Dolores Vázquez e Eduardo Dopazo asinaron o convenio no Hesperia. |
A directiva de Emgrobes asinou onte un convenio de colaboración coa Rede Española de Estacións Náuticas, en presencia do alcalde e do concelleiro Alfredo Bea, polo que a totalidade dos empresarios pertencentes á asociación se integran como socios de pleno dereito no Consorcio de Empresarios Estación Náutica Rías Baixas, co fin de promocionar o turismo en mercados nacionais e internacionais.Coa firma do convenio as empresas asociadas a Estación Náutica Rías Baixas superan as 200, ofrecendo un abanico moi representativo da oferta turística do Salnés, segundo indicou a presidenta de Emgrobes, Dolores Vázquez. Estación Náutica participa en feiras nacionais e internacionais, onde expoñen productos da comarca do Salnés, como o viño albariño. O presidente de Estación Náutica, Eduardo Dopazo, destacou a importancia do convenio.
|
