O DÍA DUN GRAN PAÍS

Galicia fai no día de hoxe un pequeno acto de conciencia propia como pobo onde analiza non só as súas posibilidades de futuro senón que reflexiona sobre o seu pasado: Un camiño andado durante séculos, marcado polo carácter e o xeito de ser das súas xentes, dos mariñeiros, dos labregos, dos nosos emigrantes... Pero agora Galicia afronta un novo reto: Ser capaz de manter a súa singularidade no medio da voráxine da globalización que ameaza con engulir pobos enteiros baixo a consigna da modernidade e da construcción do mundo occidental. Galicia é en si mesma un proxecto propio cunha identidade de seu que a convirten en terra de cultura milenaria. Depende de todos nós que este feito diferencial que nos une e nos vincula co resto do mundo siga a estar vivo.