A presentación do concerto solidario tivo lugar onte no Auditorio. E. MOLDES

Os cartos das entradas, tres euros, irán destinados integramente ao pago dos billetes de avión dos pequenos a Galicia.

Durante a presentación onte do acto o tenente alcalde, Xosé Castro Ratón, quixo resaltar o carácter solidario da actuación por riba dos contidos musicais.

“Espero que a cidadanía exprese coa súa presenza no acto o sentido de solidaridade que queremos extender ao pobo saharaui”, sinalou Ratón.

Posición que respaldou tamén a representante da Asociación de Axuda ao Pobo Saharaui en Vilagarcía, Loli Santos, que destacou o compromiso de todas as familias de acollida.

“Queremos que todo o mundo que asista o concerto sepa o que está a pasar no Sáhara pero dun xeito amable, tratando de pasalo ben”, asegurou Santos.

Actualmente a asociación de defensa do pobo saharaui debe ás aerolíneas nas que viaxan os pequenos cerca de 80.000 euros pola falta de colaboración dalgúns concellos galegos.

Pola súa banda a concelleira de Xuventude, Ana Lorenzo, remarcou a colaboración desinteresada de todos os que participan no festival e aproveitou para recordar o compromiso do seu departamento coa causa.

“Imos seguir colaborando non só con aportacións económicas, senon tamén con actividades e programas que contribúan a acabar con esta inxustiza ”, afirmou.

Tamén a edil de Educación, Susana Camiño, quixo deixar clara a disponibilidade do seu departamento coa causa saharaui.

As actuacións que serán presentadas por Xurxo Souto, ex cantante do grupo “Diplomáticos de Monte alto”, terán un selo puramente galego e contarán coa participación do actor Xulio Abonjo.

No cartel musical benéfico figuran ‘A Asociación Cultural Dorna da Illa de Arousa’, o cantautor Chus Silva, que ademáis da súa voz aportará unha amplia reportaxe de fotos do Sáhara, a banda percusionista “Trópico de Grelo”, “Shanga Noeda”, “La Sonora”, “Banda Potenkim” e “Tarú e os Paxaros Coiro”.