Alfredo Bea exporá o modelo de xestión dos areais mecos E.M.

Segundo o concelleiro de Limpeza, o feito de ser convidados a este evento internacional ten o seu baseamento no feito de que a última visita dos inspectores da Adeac “quedaron gratamente sorprendidos das condicións de limpeza e seguridade das praias”, nas que se comprobaa “o grande traballo desenvolto para subsanar todas as deficiencias de anos anteriores”.

O concelleiro ofrecerá a súa experiencia na xestión de praias xunto con representantes dos concellos de Cádiz, Granadilla de Abona (Santa Cruz de Tenerife) e Mont Roig del Camp (Tarragona) nunha mesa redonda que leva por tema “Distintos problemas e solucións en praias con Bandeira Azul”.

Segundo sinalaron desde a Asociación, ao longo de todos estes anos o proxecto da bandeira azul, a iniciativa máis extendida a favor da sostenibilidade de turismo e do literal, “contribuíu decisivamente á mellora das condicións das nosas praias e portos”.

O Congreso pretende analisar a labor realizada ata o de agora, para identificar e difundir as mellores boas prácticas nos distintos criterios Bandeira Azul, a nivel nacional e internacional, analisar o momento presente, para priorizar las necesidades, e descubrir novos desafíos de futuro e explorar as esixencias dun novo concepto de calidade global sostible, que Adeac vén perfilando e quere expoñer e consensuar cos distintos actores de Bandera Azul.

Ademais, o Concello tamén estará presente cunha presentación do “Golfiño Socorrista”. Esta iniciativa, organizada por Protección Civil e destinada á educación dos nenos, desenvolveuse durante o verán en todas as praias con bandeira azul do Concello. Por medio do programa educouse aos bañistas de entre 8 e 18 anos nas nocións básicas de seguridade, saúde, primeiros auxilios e chamadas de emerxencias.

O Grove contou o ano pasado con seis areais galardonados co distintivo de calidade: A Lanzada, Area Grande, Raeiros, Area de Reboredo, As Pipas e Area da Cruz.

Historia > Extendida en case 50 países dos 50 continents, a iniciativa é a máis coñecida e recoñecida polas autoridades, poboacións e axentes turísticos, polo que conta con apoios no ámbio local, nacional e internacional, co respaldo de entidades como a Axencia de Nacións Unidas para o Medio Ambiente (PNUMA-UNEP), a do turismo (OMT-WTO) ou a ICUN, membros do xurado internacional que concede anualmente as Bandeiras Azuis. O congreso de Almonte analisará tamén o impacto das bandeiras no turismo, a directiva de augas ou o papel dos portos, entre outros factores.