O Concello salienta o éxito de asistencia nas Xornadas da Centola
REDACCIÓN > O GROVE
O concelleiro de Turismo, o socialista Jorge Olleros, salientou a boa marcha das Xornadas de Exaltación da Centola que comezaron nesta semana, perceptible no movemento de xente en torno dos restaurantes así como a boa acollida das actividades complementares organizadas, as visitas guiadas á lonxa ou a exhibición de cociña ao vivo; hoxe celebrarase o concurso de centola viva na lonxa. Ademais, as xornadas tiveron un grande impacto mediático, nomeadamente nas canles de televisión públicas galega e española. A maior afluencia de público agárdase, como é lóxico, en torno á data do 6 de decembro e esa ponte festiva.
|
