O proxecto de investigación desta etapa da historia de España, e sobre todo de Galicia, sae á luz grazas a un convenio entre as tres universidades galegas, xunto coa Consellería de Cultura e Deporte da Xunta.

Durante a conferencia que pronunciaron onte ao serán no Auditorio Municipal, Domínguez e Hervella achegaron datos relacionados con distintas persoas de Galicia que viviron algún tipo de persecución a causa da súa ideoloxía durante os tres anos da Guerra Civil e tamén durante a vixenca da Ditadura do xeneral Franco.

Na charla explicaron a metoloxía empregada durante o seu tempo de estudo para que o auditorio poida coñecer moito mellor a realidade desta etapa histórica.

Estrutura > O traballo comezou cunha serie de entrevistas, tanto a homes como a mulleres (aínda que maiormente eran persoas do sexo masculino), e a través delas foron chegando a distintas porcentaxes de falecidos, unha análise da que as vítimas se contan por profesións, sendo a maior parte deles operarios, artesáns e xente de clase media e profesional, así como as condenas ás que foron sentenzados no seu momento.

Evidentemente, nesta etapa de castigos os máis perxudicados foron os varóns que ocupaban os cargos anteriormente comentados posto que de case 3.600 persoas encarceradas, 3.511 eran homes, xa que eran os que levaban o pan aos fogares naquela época.

Esta conferencia acada un especial interese para todo o público xa que permite coñecer de preto unha realidade que marcou un fito na historia do noso país.