Os equipamentos colectivos planificaranse de acordo a un sistema xerarquizado
REDACCIÓN > A CORUÑA
 |
| Os equipamentos localizaranse nos espazos metropolitanos |
Os equipamentos colectivos sanitarios, asistenciais, educativos, culturais, deportivos, administrativos e recreativos planificaranse de acordo co sistema xerarquizado de asentamentos que define o modelo territorial das directrices, co fin de acadar un grao de cobertura para a poboación e a optimización de recursos, tendo en conta as esferas de influencia dos equipamentos segundo o tipo, a función e o destino, conforme a consellería de Política Territorial.Para a ubicación destes equipamentos considéranse tres niveis de influencia en función da súa entidade agás que debido ás peculiaridades do tipo de dotación ou do estado actual da súa oferta, a Administración competente xustifique a utilización doutros ámbitos territoriais de referencia. En primeiro lugar, existe un nivel de Influencia da comunidade, que se aplicará ós equipamentos que prestan servizo ó conxunto de Galicia, con localización preferente nos Espazos Metropolitanos Vigo-Pontevedra e A Coruña-Ferrol e nas áreas Urbanas de Santiago, Lugo e Ourense. En segundo lugar, hai un nivel de influencia Intermedia, que se ubicará preferentemente nas vilas Cabeceira do sistema urbano intermedio, nas áreas metropolitanas e nas áreas Urbanas. Por último, o nivel de influencia supralocal, que debe localizarse nas Subcabeceiras do Sistema Urbano Intermedio e nos Nodos para o Equilibrio do Territorio. Os equipamentos localizaranse nas zonas de mellor accesibilidade para as persoas do seu ámbito de influencia, en lugares apropiados e congruentes co carácter do equipamento, facilitando o acceso peonil, nas proximidades de estacións ou apeadeiros de transporte colectivo e preveendo os aparcamentos suficientes.
|
