KURT, O DEMO QUE TE BOTOU

MENUDO TEMPORAL, o Kurt este debe ser sobriño da Hortensia. Non vos acordades daquel temporalazo nos oitenta? Aínda chejaba o mar ao Cavadelo, non como agora que fannos andar dous quilómetros para ver a Ría. Esto dos nomes dos temporais non sei onde o quitan os da televisión. Escoiteillo a Matías Prats, o fillo eh?, antes de ir á peluquería de Pili a Tremoedo. Case quedan sen luz e eu coa permanente a medias. Total non serviu de nada. Foi sair pola porta e xa estaba despeluxada. O demo que botou a este temporal. Caen jalpóns , voan as tellas, as bateas e os barcos baten coas pedras...e aínda din que vai vir outro. Vou quedar na casa, non está o tempo para ir pasear á Lanzada.