Onte fun de manifestación cos emigrantes retornados, que estaban moi contentos porque Adelina, unha das afectadas, recibiu unha carta do Tribunal Superior de Xustiza de Galicia na que lle daba a razón no litixio que mantén con Facenda para cobrar os seus cartos. Estaban todos felices porque despois de moito tempo xa teñen unha ventá aberta para recuperar o que lles pertenece. A cousa serviume para andar un pouco e non ir todos os días polo paseo do colesterol, porque sempre somos os mesmos e a decir verdade ás veces ata quedo un pouco mal ao non poder correr tanto como corren aljunhas das miñas amijas. Por certo, a palmeira de Ravella seica está enferma. Contáronme as miñas amijas periodistas que van a ter que operalo e todo. Eu non sei que lle pasará, pero xa estou tan afeita a el que non sei que me daría que o tiveran que cortar. Xa verán os xardiñeiros todo o que lle teñen que facer, pero para diso sabe moito Marita, unha amija que teño eu en Caldas que ten un xardín la mar de bonito e di que é todo a base de cariño. A ver se vai estar falta a palmeira de Ravella.