A súa principal crítica centrouse na concentración da propiedade dos medios privados, xa que, na súa opinión, esta “unificación empresarial” se está a converter “nun grave perigo” para a democracia. Baixo o seu punto de vista, os medios repiten “un mesmo verso” a nivel internacional, un discurso que riscou de “falso, esquemático e mentireiro”. Tamén considerou que os feitos son “pesimamente explicados”, e puxo como exemplo as informacións relativas á nacionalización das pensións privadas levada a cabo recentemente pola presidenta arxentina, Cristina Fernández de Kirchner -lei pola que el mismo votou a favor-, ou o peche da emisora Radio Caracas na veciña Venezuela. “Son amigo de Hugo Chávez e non adoito falar mal dos meus amigos”, confesou, e destacou que a actuación do presidente venezolano foi “totalmente lexítima” pois á emisora “lle venceu a licenza”.

Nesta dirección, acusou aos “hóldings” mediáticos de premer aos gobernos e outorgoulles unha “enorme” capacidade de influencia para poder “modificar” a axenda política.

Reforma da lei > Así, o bonaerense fixo referencia a dous casos recentes de “invención” de personaxes nos medios arxentinos: un coa intención de impoñer o tema da “man dura” contra a inseguridade, e o outro a raíz da crise no sector rural e os “intereses ocultos” do sector financeiro. Para el, “a solución pasa por unha solución política”, segundo asegurou, e explicou que a lei de radiodifusión vixente en Arxentina “non serve” e que tanto el como varios deputados intentan cambiala.

Estamos a romper os dentes”, sentenciou, e concluíu que unha nova lei é “necesaria” para que as novas tecnoloxías non favorezan “aínda máis” a concentración. Pola contra, defendeu “unha democratización que pase por dar entrada a novos actores”, tales como “cooperativas, sociedades veciñais ou ONG”.

O bonaerense pronunciou ás 20.00 horas unha conferencia na sede compostelana da Fundación Caixa Galicia baixo o título “O negocio da comunicación”. Foi presentado polo director de El Progreso, Lois Caeiro, e a súa foi a penúltima conferencia dentro das xornadas organizadas polo Club Internacional de Prensa.