Unha charla explora o activismo feminista e as novas masculinidades
REDACCIÓN > O GROVE
 |
| A Casa da Cultura acolleu a charla sobre a prevención da violencia e unha breve representación teatral |
Diferentes colectivos sociais explicaron o seu papel na prevención da violencia machista dentro dunha mesa redonda organizada pola concellería de Igualdade.Victoria Iglesias explicou o activismo da Marcha Mundial das Mulleres na Galiza, rede de colectivos feministas coordinado con movementos de mulleres de todo o globo e promotora de numerosas mobilizacións sociais contra o patriarcado e o machismo estrutural, causa fundamental desta lacra social aínda por erradicar. Na conferencia tamén interviu un varón -ademais do edil de Igualdade, Carlos Álvarez, que presentou-, o representante de Homes pola Igualdade Celso Taboada, quen abordou o papel das novas masculinidades o machismo e a necesidade de implicar a toda a poboación na causa. Ademais, interviron unha representante da delegación da Vicepresidencia da Igualdade, e a asesora legal do Centro de Información da Muller (CIM).
| 
