Carta aberta da Comisión pola Recuperacion da Memoria Histórica do Barbanza

            Sr.Alcalde, existen para vostede as vítimas do franquismo?

 

            Onde están os fusilados, os paseados, encarcerados, as mulleres que foron peladas e obrigadas a tomar aceite de ricino en Palmeira?

            Ducias e ducias dos nosos veciños sufriron a represión. Eles, tamén os seus fillos , netos e viúvas son vítimas e tamén os veciños de Ribeira que foron reprimidos fóra da súa Cidade.

           Vostede Sr. Alcalde nunca os nomeou, vostede invisibilizaos e ocúltaos, amparándose en “non abrir feridas” cando calquera estudante de primeiro de psicoloxía sabe que precisamente para empatizar hai que mentar.

            Vostede non quere e nunca quixo cumprir a Lei da Memoria Histórica. Dixoo de maneira expresa e tamén nomeando unha Comisión para telo todo paralizado, boicoteado.. De feito deuse a calada por resposta cando a Asociación da  Memoria Histórica lle entregou un dossier coa simboloxía franquista. Unicamente cando se presentou a demanda ante o Xulgado Contencioso, (pois vostede tiña arrinconada a Comisión) retirou a placa da Avenida del General Franco por medo a perder o proceso.

            Mais tarde, logo de argumentos peregrinos, como ten por costume,  mandou retirar a placa do Paseo de José Antonio Primo de Rivera.

            A hemeroteca non minte, pero si aínda quedase dúbida da súa postura perante da Lei da Memoria Histórica, esta quedou clara cando o seu grupo se negou a retirar o nome de plaza e honores de José Mª Otero Goyanes. Non ten desperdicio o seu argumentario na sesión plenaria para defender que un conspirador de primeira liña seguise a contar co nome nunha praza pública en Ribeira. Por certo a praza chámase Porta do Sol a pesares de que o seu grupo e vostede votaron en contra.

            O Alcalde Socialista ao que vostede alude na carta que envía a uns medios, conseguiu cambiar un número importante de rúas adicadas a xerarcas franquistas a pesares de que o grupo que vostede representa, daquela, coma sempre, votou tamén en contra.

            A concordia que vostede tantas veces alude, nos se debe precisamente a iniciativa do seu partido e vostede mesmo é quen se vén opoñendo  e ignorando ás vítimas. De aí que tiveramos que acudir á Xustiza.

            As vítimas as que vostede e o seu partido e outros, sempre esquecen e meten debaixo da alfombra, esixen xustiza e reparación. Neste caso reparación moral que é algo tan sinxelo, e vostede non acaba de comprendelo, que é que o espazo público nos represente a todos.

           En canto a Sentencia a que tamén vostede alude, tersiverxaa como fai habitualmente, xa que o fallo literalmente di ”...se estudie a proposta de manter ou retirar os cinco símbolos sobor dos cales ainda non se pronunciou o órgano plenario”

           Realmente o que nos gustaría e que vostede tivese a ben dar exemplo e ser o primeiro en cumprir a Lei, e non continuar invocando a concordia para que se leve a cabo sempre a súa vontade e a dos seus amigos.

 

Andrés Lijó Villa

Presidente da CRMHB

 

 

 

 

 

 

Carta aberta da Comisión pola Recuperacion da Memoria Histórica do Barbanza

Te puede interesar