A Xunta presenta en Bruxelas un vídeo sobre a realidade do mar

En Galicia 20.000 persoas e as súas correspondentes familias viven directamente do mar. Mulleres e homes con rostro, nome e apelido que queremos que se coñezan. 

Persoas con salitre nas veas que marcan o noso forte acento salgado. Elas e eles son o corazón e a faciana do mar de Galicia e boa parte das decisións de xestión que lles afectan, tómanse en Bruxelas. Europa ten que poñer cara á pesca e Galicia quere exercer de altavoz. Con ese obxectivo nace “Desde o mar” ou “By the sea”.