10º-17º
jueves | 25 abril | 2024
Cuntis prepárase para a súas grandes festas, que se levarán a cabo entre o 13 e o 18 de agosto e inclúen un completo programa para todos os gustos e públicos. Competicións deportivas, eventos culturais, moita música e actividades infantís daranse a man nunhas celebracións nas que tamén haberá espazo para o tradicional.
De feito, o I Serán ou Encontro Galego de Cultura Popular en Cuntis, dará o pistoletazo de saída á programación das festas. Será o sábado, ás 20:30 horas, na contorna da piscina. Os anfitrións, o Grupo de Acordeóns e o Grupo de Música e Baile Tradicional da Agrupación Municipal de Cuntis, serán os encargados de recibir as agrupacións invitadas, que renderán homenaxe á música tradicional galega.
Ao seguinte domingo, chegará unha das actividades más divertidas, a IV Carreira de Rolos, que este ano inclúe unha modalidade específica para os cativos, que terá un trazado diferenciado. Poden participar grupos mixtos de tres persoas, que deberán chegar á meta co seu rolo de herba e, de conseguilo, optarán a premios que suman 1.200 euros. Para participar é necesaria a inscripción previa a través do número 685581962.
O día propio, o de Santa María, comenzará con alboradas e pasarrúas coa Banda de Música de Campo Lameiro, ás once e media da mañán, que na “sesión vermú” ofrecerá un concerto na Praza das Árbores, e un desfile de cabezudos coa música da agrupación folclórica Hai que Roelo. Despois, será o momento da devoción coa misa solemne.
Os nenos serán os protagonistas da tarde, coa actuación dos Monifantes ás 18:15. Unha hora e cuarto despois comezará o V Torneo Triangular Concello de Cuntis, que enfrentará no campo municipal de A Ran aos equipos Moraña CF, SP A Estrada e Atlético de Cuntis. A verbena estará amenizada por Treixadura e Alkar.
No martes, os pasarrúas da Banda de A Estrada animarán a todos a participar nas festas e ofrecerá un concerto ao mediodía na Praza das Árbores, tras a misa. Pola tarde, ás seis, terá lugar o campionato de xogos populares e, á noite, a verbena estará amenizada polos grupos Status e Charleston. O mércores, haberá de novo pasarrúas coa Banda de Marín e concerto matutino; a actividade infantil da tarde terá como atractivo a “Os Bolechas”, que estarán na Praza de Ferrol. A orquestra Panamá e o grupo América de Vigo porán o toque verbenero.
O xoves 18, San Antón, será o broche de ouro, con pasarrúas da Banda de Vilaboa, concerto, a II Carreira Popular e verbena con Solara e Cinema. Ademais, a asociación Anedia instalará unha mesa sobre a diabete tipo I.
