A liña de bus Vilagarcía-Carril-Vilaxoán amplía horarios ata as 3 da madrugada polo San Xoán

Para favorecer os desprazamentos das persoas que desexen acudir as fogueiras de San Xoán se celebran por todo o municipio esta noite, a empresa cocesionaria do transporte urbano en colaboración co Concello amplía ata as tres da mañá os servizos da liña entre Carril, Vilagarcía e Vilaxoán. Haberá autobuses cada media hora entre as tres localidades e coas paradas habituais.
O bus nocturno foi unha medida posta en marcha o ano pasado durante determinadas festas e as fins de semana do verán, froito do acordo acadado entre a empresa Pereira (agora adquirida por Benito Abalo) e o Concello para a posta en marcha do vaiBus no marco das políticas de mobilidade e fomento do uso do transporte colectivo.
Ademais de cumprir estes obxectivos, o bus nocturno tamén contribúe a reducir os riscos de accidentes de tráfico, ao supoñer unha alternativa de desprazamento ser ter que usar o vehículo propio e porque evita que alguén teña a necesidade de conducir si bebeu algo de alcohol durante as celebracións.
O bus nocturno tamén funcionará durante as fins de semana de verán. Os días e horarios daranse a coñecer en breve.