Imprimir

Valga fixa as bases para poder crear unha Mesa Local contra a Violencia de Xénero

f.f. valga | 05 de diciembre de 2019

Diferentes axentes implicados na loita contra a violencia de xénero acudiron a unha xornada formativa en Valga | concello
Diferentes axentes implicados na loita contra a violencia de xénero acudiron a unha xornada formativa en Valga | concello
O obxectivo é detectar posibles casos e dar unha resposta áxil e efectiva ás vítimas, así como sensibilizar

No mesmo ano no que catro veciñas do municipio foron asasinadas vítimas da violencia machista o Concello de Valga tenta fixar as bases para a creación da Mesa Local contra a Violencia de Xénero. O obxectivo non é outro que o de favorecer a detección de posibles casos, así como ofrecer unha resposta áxil e efectiva ás vítimas ou sensibilizar á poboación sobre esta problemática.

Para a posta en marcha desta ferramenta persoal municipal e do Centro de Información á Muller, así como membros dos corpos e forzas de seguridade e tamén do ámbito educativo participan nunhas sesións formativas no Auditorio. As sesións iniciáronse onte e continuarán o vindeiro mércores e o que se busca é mellorar a organización e a comunicación entre os membros que poidan formar parte da Mesa Local.

Ademais de iniciativas para sensibilizar á poboación e educar á cidadanía contra a violencia machista o que se busca é optimizar tamén a coordinación dos axentes implicados na loita contra esta lacra. Tamén se pretende mellorar a protección das vítimas consideradas de alto risco e ofrecerlles unha rápida resposta.

Hemiciclo dividido

A idea de fomentar a creación da Mesa Local contra a Violencia de Xénero chega na mesma semana na que colectivos feministas locais coma “O Refaixo de Carolina”, así coma o propio grupo do Partido Socialista, instan ao goberno municipal de Bello Maneiro a adherirse á campaña de “En negro contra as violencias”. Unha moción dos socialistas pedindo precisamente esta adhesión foi rexeitada polo grupo popular valgués.

Puede ver este artículo en la siguitente dirección /articulo/ulla-umia/valga-fixa-bases-poder-crear-mesa-local-violencia-xenero/20191204223937252632.html


© 2020 Diario de Arousa