QUE RISAS ONTE co Clube de Xubilados na Casa do Mar en Vilagarcía. Alá nos fumos xogar ao bingo, unha moi boa idea, si señor, para estes días tan fríos. A min a “emosión” dos números, os cánticos e os premios xa me fan “esqueser” as penurias do que vou ter que “pajar” pola factura da “lus” este mes. Que ten tela o asunto: A “electrisidade” máis cara cando máis falta fai... Pero ese é outro conto. Outro día. O dito, que así, con actividades para os maiores, da “justo”, home. A min onde estea un bo bingo o un baile, sexa ou non “ajarrado”, que se quite tanta televisión e tanto Internet. Aínda que “aljúns” pasos teño aprendido vendo tutoriais de “Yutub” que me pon de cando en cando meu neto. O bingo, nin tocalo. E mira ti, “ijualiño” que o local dos meus “amijos” dos xubilados de Cambados. Alí o teito tampouco o tocan. E mira que levan anos pedindo por favor un arranxo, que entre humidades e “pesas” que caen un día imos ter un “desjusto”. Así que veña, sentidiño e ao choio, que actividades os maiores “fasemos” moitas, pero unha man para manter os locais tamén nos toca, non?