Vegalsa-Eroski e Amicos uníronse un ano máis para organizar unha xornada medioambiental na illa de Sálvora. A cita tivo lugar onte, cando un grupo de 35 persoas de ambas entidades participaron nunha recollida de residuos mariños e sensibilización. 

O evento comezou no Centro de Atención Integral de Amicos, onde o grupo coñeceu o Laboratorio de Algas e descubriron como se cultivan as laminarias. A continuación, trasladáronse ao porto de Ribeira para participar na restauración de fondos mariños coa solta de gorgonias rehabilitadas no Hospital de Corais que Amicos instalou na lonxa de Ribeira, así como das laminarias recollidas do laboratorio de Comoxo.

De seguido, chegou o momento de desembarcar en Sálvora, para realizar distintas dinámicas de sensibilización medioambiental para coñecer o ecosistema autóctono. Tamén se realizou unha recollida de residuos mariños na praia.