9º-18º
martes | 7 mayo | 2024
Cambados vén de abrir unha semana cargada de actos culturais co gallo do Día das Letras Galegas. Onte, na Calzada, celebrouse a tradicional lectura continuada pública, para divulgar textos do homenaxeado este ano, Antón Fraguas. Foi un evento seguido polo público en xeral que quixo achegarse a desfrutar dunha tarde de sol e literatura.
O mércores será turno da ofrenda floral das Letras, coa participación, tamén tradicional, dos diferentes centros de ensino. Será a mediodía, no mesmo paseo. O xoves celebrarase a mítica Carreira dos Institutos de Cambados.
Xa o venres, no día grande, haberá concerto das Letras ás 13 horas, coa Banda de Música de Castrelo. E pola tarde, no auditorio, haberá teatro con “Pepa Loba”.
O sábado 18 o teatro seguirá en A Xuventude, con alumnado do colexio de Castrelo. Está previsto tamén nesta xornada o Campionato Nacional de culturismo do Norte de España.
Finalmente, o domingo 19 haberá actuación musical con Xironsa, no patio central de Exposalnés, eventos todos aos que a Concellería de Cultura invita aos veciños a asistir.
A Carreira dos Institutos
A carreira do xoves, Memorial Alejandro García Fariña, sairá ás 10:30 horas dende a Alameda de Santo Tomé, con chegada ao IES Asorey.
Participarán uns 500 alumnos, deste centro e máis do Cabanillas e volverá contarse coa colaboración de numerosos establecementos comerciais da vila e comarca, que aportan trofeos para premiar ao destacado número de corredores.
