A Feira do Libro de Rianxo abriu esta mañá as súas casetas na Praza de Castelao, baixo o lema “Onde florecen os libros” e coa participación do director xeral de Cultura, Anxo M. Lorenzo, o alcalde de Rianxo, Julián Bustelo, e o vicepresidente da Federación de Librarías de Galicia, Óscar Porral.

Lorenzo non dudou en destacar o papel fundamental destas propostas de cara ao impulso e dinamización da lectura. Ademais agradezeu o traballo da organización da feria que contará cunha programación amplia e variada con máis de 40 actividades, entre as que se atopan as firmas de preto de vinte autores.

O acto inaugural contou tamén co emotivo pregón do escritor e mestre Óscar Reboiras, e coa actuación do Cuarteto da Escola de Música de Rianxo, que acompañou musicalmente unha xornada chea de palabras e emocións.

A feira permanecerá aberta ata o sábado 27 de xullo, cun horario de mañá (de 11 a 14 horas) e de tarde (de 18 a 22 horas), ofrecendo un espazo para o encontro arredor do libro e da lectura, coa participación de sete librarías galegas.