A Policía Nacional despregou un amplo operativo por un incidente acontecido na azotea dun céntrico hotel. Unha muller que se atopaba en dito punto, situado a bastantes metros do chan, parecía a punto de precipitarse, polo que uns viandantes deron aviso á Comisaría.
 

Ata alí se desprazaron varias patrullas, tanto en coche como en moto e os axentes subiron tanto ao hotel como ao edificio lindeiro, xa que incluso se chegou a pensar que a muller pasara dunha cuberta a outra.
 

Finalmente, foi atendida polos equipos médicos e trasladada a un centro sanitario. O operativo, que tivo lugar cerca das nove da noite, foi seguido por un bo número de peóns que, nese momento, se atopaban na rúa.