viernes 21.02.2020

Sanxenxo acollerá en agosto un campamento tecnolóxico no Pazo Emilia Pardo Bazán

TecnoSanxenxo 2018 é a primeira edición dun campamento tecnolóxico de verán destinado a rapazas e rapaces de entre 8 e 14 anos organizado pola asociación de veciños de Adina

Cartel do campamento tecnolóxico que vai ter lugar en Sanxenxo
Cartel do campamento tecnolóxico que vai ter lugar en Sanxenxo

TecnoSanxenxo 2018 é a primeira edición dun campamento tecnolóxico de verán destinado a rapazas e rapaces de entre 8 e 14 anos organizado pola asociación de veciños de Adina en colaboración co Concello de Sanxenxo organiza. A actividade terá lugar no Pazo Emilia Pardo Bazán durante o mes de agosto.
O seu principal obxectivo é achegar ás rapazas e rapaces entre 8 e 14 anos ás tecnoloxías emerxentes, de xeito que se familiaricen e as engadan o seu catálogo de habilidades.
TecnoSanxenxo será un espazo intensivo de traballo colaborativo e inmersivo, onde nenas e nenos aprenden facendo os seus propios proxectos. Trátase dunha novidade na vila costeira de Sanxenxo.
Na iniciativa tamén colaboran Taniwa, empresa que imparte os contidos do Campamento e SalnésCampus, laboratorio aberto que ten como un dos seus obxectivos principais o fomento entre os mais mozos das disciplinas STEM (acrónimo en inglés de Ciencia, Tecnoloxía, Enxeñería e Matemáticas). As tecnoloxías escollidas para a práctica e desenvolvemento dixital no TecnoSanxenxo 2018 son programación, impresión 3D, robótica, con kits Micro, e realidade virtual coa que se crearán propios mundos virtuais con gafas de realidade virtual.
O campamento organízase en quendas dunha semana natural de duración do xeito que sigue: Do 6 ao 10 de por un prezo de 75 euros; do 13 ao 17 (o 15 é festivo) por 60 euros; do 20 ao 24 por 75 euros; do 27 ao 31 por 75 euros.
O horario é de 9:30 a 13:30 horas cun máximo de dez participantes por quenda.
A inscrición farase a través da páxina web: https://sites.google.com/taniwa.es/tecnosanxenxo2018/tecnosanxenxo-2018. l

Comentarios