lll

Recibe cada mañana las últimas noticias. REGISTRARME

Recibe las noticias desde Telegram. ÚNETE

“Beef” na comarca ao estilo da Festa da Dorna

Captura do videoclip lanzado polos organizadores da festa

A sesión 53 de Bizarrap, que Shakira dedicou a Piqué serviu de base para que a asociación organizadora da Festa da Dorna realizase o seu propio tema para o que tirar “beef” na comarca da forma máis cómica.


Para elo, a asociación requeriu da participación da “Xaquira do País” e “Bisarrap”, na que non faltou a tradicional rivalidade coa Pobra, a que lle dedicaron gran parte da “tiradeira” musical. O vídeo está dispoñible nas plataformas de Instagram, onde conta xa con máis de dous mil “me gusta”, e en YouTube.


A rivalidade histórica entre ambos municipios non deixou títere con cabeza e, como non podía ser doutra maneira, afectou tamén as celebracións máis típicas e recoñocidas da localidade pobrense, o Nazareno e os San Juerguines, ás que tilda de “fiestas de palanquines”. Quen sabe se veremos algunha réplica pola súa parte.


Ademáis da competencia coa Pobra, o tema tocou moitos outros paus, como á xestión do goberno de Ribeira, chegando a definir ao alcalde coma un “casique”. As obras da estación foron outro dos seus brancos.


Nin Luis Henrique e a súa decisión de non levar a Aspas quedou exento das queixas dos promotores da popular festa do Barbanza que, sempre desde a faceta cómica, deixaron impregnado no tema o carisma e a forte identidade de esta celebración e os xóvenes que compoñen a súa organización.


Unha “tiradeira” que chega a un escaso mes de que den comezo o Entroido, onde este tipo de letras e de denuncias serán as que animen a festa e que aporten o importante factor da ironía e o sarcasmo. 

“Beef” na comarca ao estilo da Festa da Dorna

Te puede interesar