Un ano máis o curro de Amil, en Moraña, volveu revivir unha tradición secularia: A da loita do home contra a besta. A nova edición da rapa das bestas deste enclave do Ulla-Umia é unha cita ineludible para os amantes da cultura ancestral que poden observar o proceso da rapa e da desparasitación dos cabalos que baixan do monte. Un espectáculo visual que se remonta a centos de anos atrás. A calor provocou que fosen menos as persoas que se achegasen ata este curro morañés.