A área de Igualdade do Concello de A Pobra pon en marcha o programa ‘Autoestimarte’, unha proposta destinada a mulleres que busca promover a autoestima, o fortalecemento persoal e o autocoñecemento mediante a creatividade e a expresión artística.

O programa desenvolverase en dúas sesións de dúas horas e media cada unha no Centro Sociocomunitario da Pobra. A primeira terá lugar o mércores 4 de xuño baixo o título ‘Identificarte’ e centrarase na exploración e reinterpretación da imaxe persoal, indo máis aló dos estándares e favorecendo unha conexión coa identidade.

A segunda sesión será o mércores 11 de xuño e levará por nome ‘Expresarte’, ofrecendo un espazo para a libre expresión a través da arte.